10 марта 2016 г.
Çитĕнекен ăру киревсĕр йăласемпе туслашса ÿсни обществăшăн питĕ пысăк инкек.
Ачана çамрăкранах сывă пурнăç йĕркипе анчах туслашма хăнăхтарас ĕçре çемье тата шкул пысăк вырăн йышăнаççĕ. Çакăнпа тата ачасене воспитани парассипе тÿрремĕн çыхăннă ыйтусем çинчен калаçу пуçарас тĕллевпе йĕрке хуралĕн ĕçченĕсем «Полици тата ачасем» операцие кашни çулах хастар хутшăнаççĕ. Кăçал вăл мартăн 24-мĕшĕччен тăсăлать. Çак вăхăтра РФ ШĔМĕн муниципалитетсем хушшинчи «Комсомольский» уйрăмĕн полицин Елчĕк районĕнчи пайĕн ĕçченĕсем чылай шкула çитме ĕлкĕрĕç. Ашшĕ-амăшĕпе тата вĕренекенсемпе, педагогсемпе иртекен тĕлпулусенче саккунсемпе паллаштарасси те тĕп вырăнта пулĕ.
Л.ЕГОРОВА,
çул çитменнисемпе ĕçлекен инспектор.