10 марта 2016 г.
Çĕрпÿ хулинче 1998 çулта çуралнă тата çамрăкрах кире пуканĕ йăтакансем ăмăртнă.
Районти атлетсем ăмăртăва ăнăçлă хутшăннă. Яшсенчен 73 кг виçере Николай Петров, 85 кг ытларах виçере Андрей Кузнецов - пĕрремĕш, 78 кг виçере Дмитрий Миллин виççĕмĕш вырăнсене йышăннă. Виççĕшĕ те Елчĕкри вăтам шкулта вĕренеççĕ. Андрей Кузнецов вара Раççей спорт мастерĕн кандидачĕн нормативне пурнăçланă.
Хĕрсенчен Мария Зайцева /Çĕнĕ Пăва/, Ксения Тунгулова /Лаш Таяпа/, Анна Гаврилова /Елчĕк/ çĕнтерÿçĕсемпе призерсен йышне кĕнĕ.