27 февраля 2016 г.
Елчĕк ял тăрăхĕн пуçлăхĕ Ю.Блинов иртнĕ çулхи ĕç итогĕсемпе, малашлăхри тĕллевсемпе Тÿскел ялĕн çыннисене паллаштарнă.
Ял халăхĕн пухăвне район пуçлăхĕ, районти Депутатсен пухăвĕн председателĕ П.Скворцов, полицин участокри уполномоченнăйĕ Н.Васильев, районти Депутатсен пухăвĕн депутачĕ А.Куприянов, ял старости - Елчĕк ял тăрăхĕнчи Депутатсен пухăвĕн депутачĕ Д.Судаков, районти выльăх-чĕрлĕх чирĕсемпе кĕрешекен станцин ветеринари врачĕ С.Фролов хутшăннă, ял çыннисене хумхантаракан ыйтусем çинче чарăнса тăнă.
Тÿскелсене те, ытти ялсенчи пекех, çул сарас, çÿп-çап пуçтарас, шыв çителĕклĕ парса тăрас ыйтусем канăç памаççĕ. Ял çыннин пурнăç шайне ÿстерес тесе кăçал Çĕнĕ урамра 1400 метрлă çула юсама палăртнă.