27 февраля 2016 г.
«Пире Раççей МЧСĕн тата РСЧС территорири çумтытăмĕсен ĕç-хĕлĕн пĕтĕм тытăмĕнчи пысăк кăтартусене сыхласа хăварма май килчĕ. Çакăн тĕп пĕтĕмлетĕвĕ - 270 пин ытла çын пурнăçне çăлни», - тенĕ Раççей МЧСĕн ертÿçи Владимир Пучков нарăсăн 16-мĕшĕнче Красногорскра Чрезвычайлă лару-тăрăва асăрхаттаракан тата сирекен пĕрлехи патшалăх тытăмĕн /РСЧС/ представителĕсен Пĕтĕм Раççейри пухăвĕнче.
РФ МЧС ертÿçи Чăваш Республики РСЧС ĕç-хĕлĕ тухăçлăхĕпе Раççейри чи лайăх 10 регион йышĕнче пулнине палăртнă. РСЧСăн пĕтĕм тытăмĕ лайăх ĕçленĕрен пĕлтĕр çĕршывра техногенлă пушарсен шучĕ 4,6% /Чăваш Енре - 5,5%/ чакнă, вилнисен йышĕ 8,5% /республикăра - 18,8%/ пĕчĕкленнĕ. Шывра путнисен шучĕ 8% ытла /9,6%/ чакнă - çак кăтарту та РСЧС ĕç-хĕлĕн тухăçлăхне çирĕплетет.