27 февраля 2016 г.
Ленин ячĕллĕ ялхуçалăх производство кооперативĕнчи Владимир Майков 1994 çултанпа тăван хуçалăхра механизаторта тăрăшать. Владимир Зинонович аллинче техника яланах пĕр тикĕссĕн ĕçлет. Вăл выльăхсене ытлă-çитлĕ апатпа тивĕçтерессишĕн тимлет. Çавăн пекех тислĕке вăхăтра кăларас енĕпе те яваплă. Хăйне шанса панă ĕçе тивĕçлипе пурнăçлать харсăр механизатор.
Унăн юлташĕ - Олег Патшин механизатор та хăйĕн ĕçĕнче чăн ăста. Вăл та кунĕпе фермăра - выльăхсене апат панă, тислĕк тăкнă çĕрте чылай çул ĕçлет. Выльăх-чĕрлĕхрен нумайрах продукци илесси хăйсенчен килнине лайăх ăнланаççĕ Владимирпа Олег, çавăнпа çанă тавăрса вăй хураççĕ.
Сăнÿкерчĕкре: В.Майковпа О.Патшин механизаторсем.