Публикации » Киревсĕр йăласем сиенлĕ

20 февраля 2016 г.

Нарăс уйăхĕн 10-20-мĕшĕсенче районта «Условник» операци иртрĕ.
Операци вăхăтĕнче РФ ШĔМĕн муниципалитетсем хушшинчи «Комсомольский» уйрăмĕн полицин Елчĕк районĕнчи пайĕн çул çитменнисемпе ĕçлекен инспекторĕ, полицин участоксенчи уполномоченнăйĕсем, уголовнăй шыравăн ĕçченĕсем условнăй майпа айăпланнă çул çитмен çамрăксем патĕнче пулчĕç, вĕсен пурнăç условийĕсемпе паллашрĕç. Йĕрке хуралĕн ĕçченĕсем çавăн пекех шкулсене çитсе ачасемпе, ăнăçсăр çемьесенчи ашшĕ-амăшĕпе тĕлпулусем ирттерчĕç. Вĕсем вĕренекенсене саккунсен пуххисемпе паллаштарнисĕр пуçне киревсĕр йăласен сиенĕсем çинче те чарăнса тăчĕç, «йывăр» ачасемпе калаçусем йĕркелерĕç.
Л.ЕГОРОВА,
полици пайĕн çул çитменнисемпе ĕçлекен инспекторĕ.