13 февраля 2016 г.
Республикăра «Ачалăх ячĕпе, ачалăхшăн» ыркăмăллăх марафонĕ старт илнĕ.
Çĕнĕ Шупашкарти сывлăх тĕлĕшĕнчен сусăр ачасен шкулĕнче йĕркелÿ комитечĕн пĕрремĕш ларăвĕ иртнĕ. Унта Чăваш Ен Пуçлăхĕ Михаил Игнатьев, РФ Патшалăх Думин Вĕренÿ енĕпе ĕçлекен комитечĕн председателĕн çумĕ Алена Аршинова, Раççейри ача-пăча фончĕн регионти уйрăмĕн правленийĕн ертÿçи Юрий Кислов, ЧР вĕренÿ министрĕ Владимир Иванов хутшăннă.
Юрий Кислов палăртнă тăрăх - пĕлтĕр марафона хутшăннă 1674 çын пĕтĕмпе 7 млн та 129 пин тенкĕ укçа пуçтарнă. Вăл республикăн çамрăк гражданĕсене ниме мелĕпе пуçтарнă укçана тăватă çул хушшинче мĕнле тĕллевпе усă курнипе паллаштарнă.
Ыркăмăллăх марафонне /8352/ 62-89-42 номерлĕ телефонпа шăнкăравласа е фонд счечĕ çине укçа куçарса кашниех хутшăнма пултарать.