13 февраля 2016 г.
Аслă Елчĕкри Вадим Чернов предприниматель Аттелĕхĕн Аслă вăрçин вут-çулăмĕ витĕр тухнă, яла çĕнтерÿпе таврăннă аслă ăрури çынсене сума суса палăк лартма тĕв тытнине ял-йыш ырласа йышăннă.
Çĕнĕ обелиска вăрçăра вилнĕ паттăрсене асăнса лартнă палăка хирĕçех вырнаçтарма вырăн тупăннă. Çак утăма тума Вадим Чернова мĕн хистенĕ?
- Эпир асаттесемпе кукаçисене, вĕсен мăшăрĕсене çĕнтерÿшĕн тав тума тивĕçлех. Асатте - Николай Павлович Чернов, кукаçи - Михаил Павлович Кантеев та хаяр вăрçă вут-çулăмĕ витĕр тухнă, яла çĕнтерÿпе таврăннă, - тет предприниматель.
Палăка майăн 9-мĕшĕ умĕн савăнăçлă лару-тăрура уçма палăртаççĕ.
Вадим Чернов предприниматель ял тăрăхĕнчи, район шайĕнчи нумай мероприятие йĕркелесе ирттерме хастар хутшăнать, спонсор пулăшăвĕ парать.