10 февраля 2016 г.
Раççейри - Кино, Чăваш Республикинчи Ĕç çыннин çулталăкне халалласа районта видеороликсен, хăй тĕллĕн ÿкернĕ фильмсен «Çын ĕçпе хăватлă та мухтавлă» конкурсĕ иртет.
Унăн тĕллевĕ - тĕрлĕ професси çыннисен пархатарлă кун-çулĕпе паллаштарасси, ĕçе, ĕç çыннине хисеплеме вĕрентесси, çамрăксене пурнăçра хăйсене кирлĕ профессие суйласа илме хавхалантарасси.
Конкурсри ĕçсене çак номинацисенче хаклаççĕ: «Ĕç династийĕ», «Хăйĕн ĕçĕнчи чăн ăста», «Ĕç çынни - районăн мухтавĕ».
Конкурс материалĕсене район администрацийĕн Ĕç çыннин çулталăкне халалланă баннерне вырнаçтараççĕ, ăна 2016 çулхи апрель 25-28-мĕшĕсенче пĕтĕмлетеççĕ.