06 февраля 2016 г.
Елчĕкри «Солнышко» ача сачĕн воспитателĕсем - Светлана Морозовăпа Валентина Тимофеева хăйсен профессине парăннă çынсем. Иккĕшĕ те ачасене чунтан юратаççĕ. Светлана Алексеевна Канашри педагогика училищинчен вĕренсе тухнă хыççăнах шкулта ачасене вĕрентнĕ. Унтан садике куçнă. Халĕ И.Я.Яковлев ячĕллĕ чăваш педагогика университетĕнче пĕлĕвне малалла ÿстерет.
Валентина Ивановна 25 çул шăпăрлансене пурнăçăн пирвайхи утăмĕсем тума вĕрентет. Ятарлă вăтам пĕлÿ илнĕ воспитателе пĕчĕкскерсем çав тери юратаççĕ.
Пĕрремĕш категориллĕ педагогсем ачасене тĕрлĕ конкурссене хутшăнтараççĕ, хăйсем те хаваспах тупăшаççĕ.
Сăнÿкерчĕкре: С.Морозовăпа В.Тимофеева воспитательсем.