06 февраля 2016 г.
Пуш уйăхĕн 31-мĕшĕнчен пуçласа ака уйăхĕн 3-мĕшĕччен Шупашкарта халăхсем хушшинчи «Волжские мотивы» пĕрремĕш фестиваль-конкурс иртет. Ăна ачасемпе çамрăксен пултарулăхне хÿтĕлекен «Новое поколение» фонд йĕркелет.
Конкурса пултарулăх коллективĕсем тата 5 çултан пуçласа аслăрах уйрăм юрăçсем хутшăнма пултараççĕ. Пултарулăха «Хореография», «Инструментальная музыка», «Вокал», «Фольклор», «Хоровое пение» номинацисемпе хаклаççĕ. Заявкăсене пуш уйăхĕн 17-мĕшĕччен f_novoepokolenie@mail.ru, 2360836@mail.ru электронлă адреспа йышăнаççĕ. Йĕркеленÿ взносĕ - 300 тенкĕрен пуçласа 2000 тенкĕ таран. Тĕплĕнрех пĕлес тесен ачасемпе çамрăксен пултарулăхне хÿтĕлекен «Новое поколение» фондăн официаллă сайтĕнчен тата 8 ?347/ 266-08-36 номерлĕ телефонпа Елена Михайловна Кирилловăран ыйтса пĕлме пулать.