06 февраля 2016 г.
Илтнĕ тăрăх, судпа айăпланни çинчен паракан справкăна пĕр уйăхран алла илме пулать. Манăн часах командировкăна тухса каймалла, çавăнпа справка та маларах кирлĕ. Ăна алла хăвăртрах илме май çук-ши?
Ирина ПЕТРОВА.
Елчĕк.
Чăнах, судпа айăпланни е айпланманни çинчен справкăна 30 кун хушшинче хатĕрлесе параççĕ. Çапах ăна маларах илме те май пур. ШĔМĕн Чăваш Республикинчи информаци центрĕн начальникĕ Николай Гусев çапла пĕлтерчĕ: «Енчен те эсир судпа айăпланни е айăпланманни çинчен справкăна 10-14 кун хушшинче алла илес тесен, заявленине Патшалăх пулăшăвĕсен пĕрлехи порталĕ урлă электрон мелĕпе ярса памалла. Справка хатĕрри çинчен сире электрон почтипе е интернетри «Личный кабинет» урлă пĕлтереççĕ. Справкăна ШĔМĕн информаци центрĕнче е районти полици пайĕнче параççĕ. Çавăн пекех ăна нумай функциллĕ центр урлă та илме пулать.
Республикăра пурăнакансем Патшалăх пулăшăвĕсен пĕрлехи порталĕнче www.gosuslugi.ru электрон адресĕпе регистрациленнĕ пулсан, кирлĕ пулăшăва кĕске вăхăтра тата пысăк пахалăхпа илме май пуррине ăнланса илчĕç пулĕ тесе шутлатăп».
И.ЖИРНОВА.