06 февраля 2016 г.
Комсомольскинчи хоккей площадкинче «Ылтăн шайба» клубăн призĕсемшĕн кĕçĕн ушкăнри çамрăк хоккеистсен зонăри ăмăртăвĕнче Елчĕк, Патăрьел, Канаш, Комсомольски районĕсенчи командăсем тĕл пулнă.
Чи малтанах Елчĕксем Канашсене хирĕç вылянă, вĕсене 4:2 шутпа парăнтарнă. Çак вăйăра тапăнса вылякан Роман Гаврилов, Денис Милехин хÿтĕлевçĕ /Патреккел шкулĕ/, Дмитрий Петров /Елчĕк шкулĕ/ палăрнă.
Иккĕмĕш вăйăра хĕрÿ кĕрешÿре Елчĕксем Комсомольски районĕн командине 4:1 шутпа çĕнтернĕ. Вĕсем кĕрешĕве малалла тăсаççĕ.
Çамрăк хоккеистсене Александр Адюковпа Сергей Александров тренерсем хатĕрленĕ.