03 февраля 2016 г.
Чăваш наци библиотекинче «Кĕмĕл ĕмĕр» галерейăра Çирĕклĕ Шăхалĕнчи Валерий Краснов ÿнерçĕн куравĕ уçăлнă.
Ăна ентешĕмĕр «Тăван çĕршыва халалласа» ятпа йĕркеленĕ. Кунта «Чăваш туйĕ», «Галя», «Аслă Таяпари авалхи Пăлхар хулашĕ», «Кăмака хутакан», «Хĕвел анать» тата ытти паха картинăсем вырăн тупнă.
Валери мĕн пĕчĕкренех сăрăпа ÿкерме юратнă. Ÿссе çитсен Йошкар-Олари ÿнер училищинче, унтан аслă шкулта профессилле художник пулма вĕреннĕ. Валерий Алексеевич ÿкернĕ ĕçсене Раççейре кăна мар, Китай, Германи, Чехи, АПШри куравсенче, уйрăм çынсен коллекцийĕсенче курма пулать.