23 января 2016 г.
Кăрлачăн 26-мĕшĕнче 12 сехетре Чăваш Ен Пуçлăхĕ Михаил Игнатьев Патшалăх Канашне тата чăваш халăхĕ патне Çырупа тухать. Унта республикăн Правительствин, Патшалăх Канашĕн, вырăнти хăйтытăмлăх органĕсен, предприятийĕсемпе организацийĕсен ĕç-хĕлне хак парĕç, малашнехи тĕллевсене палăртĕç.
Чăваш Енĕн парламентне тата чăваш халăхĕ патне тухакан Çырăва «Россия 24» телеканалпа, Чăваш наци телевиденийĕпе, Чăваш наци радиовĕпе, Чăваш Республикин влаç органĕсен www.cap.ru порталĕнче тÿрремĕнех трансляцилеççĕ.
Çырăвăн телеверсийĕпе Чăваш наци телевиденийĕпе кăрлачăн 26-мĕшĕнче 19 сехетре, «Россия 1» телеканалпа кăрлачăн 31-мĕшĕнче 10 сехет те 20 минутра паллашма пулать.