23 января 2016 г.
Коллективлă хуçалăх, çул-йĕр строительствин организаторĕ, ВЦИК, СССР çул-йĕр транспорчĕн тĕп управленийĕн, РСФСР тĕп çул-йĕр трансĕн тата СССР «Автодор» Тĕп канашĕн канашлăвĕсене хутшăннă Анисим Максимович ТЯБУКОВ /Аслă Елчĕк/ çуралнăранпа - 165 çул.
Курнавăшри чиркÿпе прихут шкулне уçнăранпа - 155 çул.
РСФСР тава тивĕçлĕ учителĕ, Ленин орденне тата медальсемпе Хисеп грамотисене тивĕçнĕ Раиса Ивановна Зайцева /Аслă Таяпа/ çуралнăранпа - 145 çул.
Пĕрремĕш тĕнче тата граждан вăрçисене хутшăннă, Аттелĕхĕн Аслă вăрçине унăн 6 ывăлĕпе 2 мăнукĕ хутшăннă Федор Александрович ШУРКИН /Аслă Таяпа/ çуралнăранпа - 140 çул.
Кĕçĕн Таяпари чиркÿпе прихут шкулне уçнăранпа - 130 çул.
Çĕнĕ Эйпеçри чиркÿпе прихут шкулне уçнăранпа - 130 çул.
Аслă Пăла Тимешри чиркÿпе прихут шкулне уçнăранпа - 130 çул.
Вырăскассинчи «Братства Святителя Гурия» шкулне уçнăранпа - 125 çул.
«Ача амăшĕ героиня» ордена тивĕçнĕ Александра Титовна ДАНИЛОВА /Кĕçĕн Арланкасси/ çуралнăранпа - 125 çул.
РСФСР тава тивĕçлĕ врачĕ, Ленин, II степень Отечествăлла вăрçă орденĕсене, медальсене тивĕçнĕ /унăн ячĕпе Улатăр хулинчи пĕр урам хисепленсе тăрать/ Михаил Владимирович ПОКРОВСКИЙ /Курнавăш/ çуралнăранпа - 125 çул.
«Ача амăшĕ героиня» ордена тивĕçнĕ Серафима Александровна ЯКОВЛЕВА /Яманчÿрел/ çуралнăранпа - 125 çул.
Граждан вăрçин фронтĕнче çапăçнă, хĕрлисен партизан отрядĕнче пулнă, нумай çул Сăрьел ял Совечĕн председателĕнче ĕçленĕ Сабирулла Гарифумович ГАРИФУЛЛИН /Сăрьел/ çуралнăранпа - 120 çул.
«Ача амăшĕ героиня» ордена тивĕçнĕ Агриппина Васильевна КАШИНА /Энтепе/ çуралнăранпа - 120 çул.