Публикации » М.Игнатьев рейтингĕ çÿллĕ шайра

01 января 2016 г.

«Рейтинг» информаци коммуникацийĕсен центрĕ федерацин «Регионсен клубĕ» эксперт сечĕпе пĕрле 2015 çулхи Раççей Федерацийĕн регионĕсен пуçлăхĕсен ĕçĕ-хĕлне хаклани çинчен тĕпчев туса ирттернĕ. Результатсем çакна кăтартса параççĕ: Чăваш Ен Пуçлăхĕ Михаил Игнатьев рейтингăн пĕрремĕш ушкăнĕнче /ТОП-25/.

Çакă 2015 çулăн юлашки тишкерĕвĕ пулса тăрать, кунта регион ертÿçисен çулталăкри çитĕнĕвĕсемпе пĕрлех ăнăçусăр ĕçĕсем те палăраççĕ. Рейтинг тĕпчевне ирттернĕ чухне уçă тата инсайдер информацийĕпе те усă курнă. Çапах та «Рейтинг» специалисчĕсем регионри тата федерацин эксперчĕсен шухăшĕсене тĕпе хунă. Çавăнпа та вĕсем пĕтĕмлетÿ тунă чухне тĕп вырăн йышăннă.