01 января 2016 г.
Чăваш Республикин ялхуçалăх министрĕ С.Артамонов тата Чăваш Республикин Патшалăх Канашĕн председателĕн заместителĕ О. Мешков иртнĕ кунсенче Елчĕк районне ĕçлĕ çулçÿревпе килсе çитнĕ.
Вĕсем район администрацийĕн пуçлăхĕпе Н. Миллинпа, ялхуçалăх пайĕн начальникĕпе П.Тремасовпа, Кĕçĕн Таяпа ял тăрăхĕн пуçлăхĕпе В.Петровпа тата А.Севриков хресчен /фермер/ хуçалăхĕн ертÿçипе тĕл пулнă. Тĕлпулу вăхăтĕнче районти, республикăри агропромышленность комплексĕн аталанăвне тишкернĕ, малашнехи тĕллевсене палăртнă. Ялхуçалăх министрĕ С.Артамонов А.Севриков фермер туса хатĕрленĕ çемье фермин проекчĕпе паллашнă.