17 марта 2012 г.
Чăваш журналистикин аталанăвĕпе, историйĕпе кăсăкланакансен библиотеки ""Хыпар": минувшее и настоящее" кĕнекепе пуянланчĕ. Кĕнекене "Хыпар" издательство çурчĕн директорĕ-тĕп редакторĕ Алексей Леонтьев хатĕрленĕ. Пысăк ĕçре А.П.Леонтьев чăваш халăхĕн пĕрремĕш хаçачĕн историне, аталанăвĕпе кун-çулне, тăван халăх культурипе кăмăл-сипет, тĕнче курăм аталанăвĕнчи вырăнĕпе пĕлтерĕшне туллин уçса палăртнă. Кĕнекере çавăн пекех "Хыпар" хаçата никĕслекенĕн, Атăлпа Урал тăрăхĕнчи паллă тĕпчевçĕн, историкăн, лингвистăн, культурологăн, фольклористăн, педагогăн, журналистăн Н.В.Никольскин ĕçĕ-хĕлĕпе паллашма пулать. Кĕнекере "Хыпар" хаçат çуралса вăй илнĕ вăхăтри тăван халăхăн политикăпа общество шухăшлавне, кăмăл-туйăмне, хирĕç-тăрăвне май килнĕ таран çутатма тăрăшнă.