Публикации » Кашни киле - таса шыв

14 марта 2012 г.

"Чăваш Республикинче пурăнакансене 2009-2020 çулсенче таса шывпа тивĕçтересси" тĕллевлĕ программăна улшăнусем кĕртнĕ, çавна май ытларах укçа-тенкĕ уйăраççĕ. Шывсăр пурнăç çук. Вун-вун çул каяллах хывнă пăрăхсем юхăнса çитсе юрăхсăра тухни ял çыннисене каллех çăл куçсем патне уттарать. Анчах вĕсенчи шыв пахалăхне тĕрĕслеменпе пĕрех. Тата хальхи вăхăтра кĕвентепе витре çĕклесе утни тĕлĕнтермĕш япала. 2011-2017 çулсем валли çирĕплетнĕ федерацин "Таса шыв" программипе килĕшỹллĕн Чăваш Республикинче пурăнакансене таса шывпа тивĕçтерме 467,532 пин тенкĕ уйăрнă. Чăваш Республикинчи хула строительствин тата обществăпа инфраструктура аталанăвĕн министрĕ Александр Гончаров палăртнă тăрăх палăртнă укçа-тенке шыв парса тăмалли пăрăхсем хывнă çĕре янă.