Публикации » Терроризма çул çук

02 марта 2012 г.

А.КЛЕМЕНТЬЕВ, райадминистрацин гражданла оборона тата черезвычайлă лару-тăру енĕпе ĕçлекен пай ертỹçи: - Статьяра çĕр-шыв умне анчах мар, пĕтĕм тĕнче умне пысăк хăрушлăх кăларса тăратма пултаракан терроризма хирĕç кĕрешес ыйтăва та çивĕч çĕкленĕ. Иртнĕ ĕмĕр вĕçĕнче террористсем чылай çĕр-шыва пусахласа илме пуçлани, çавна май пĕр айăпсăр пин-пин çын, çав вăхăтрах шкул ачисем те, пурнăçран уйрăлни халăх асĕнчен халĕ те тухмасть-ха. Терроризма хирĕç кĕрешессипе çитĕнỹсем çук мар. Юлашки çулсенче тĕрлĕ çĕр-шывăн ятарлă службисемпе право хуралĕн органĕсен хушшинче ку енĕпе ĕçлĕ çыхăнусем палăрмаллах çирĕпленнĕрен лару-тăру ырă енне улшăнчĕ. Çапах та сыхлăх пирки яланах асра тытасчĕ.