Публикации » Медицина тĕрĕслевĕсем - çĕнĕлле

29 февраля 2012 г.

 Патшалăх çынсен сывлăхне упрас тĕлĕшпе тĕрлĕрен саккунсем йышăнать. Раççей Федерацийĕн Сывлăх сыхлавĕн министерствин 2011 çулхи ака уйăхĕн 12-мĕшĕнчи 302-мĕш номерлĕ хушăвĕпе килĕшỹллĕн сиенлĕ тата йывăр ĕçре ĕçлекенсем малашне çĕнĕ йĕркепе медицина тĕрĕслевĕ витĕр тухĕç. Ятарлă комисси çавăн пек ĕçрисене çулталăкра пĕр хутчен тĕрĕслĕ. Комиссире врач профпатолог та пулĕ. Çакă обществăлла апатлану, суту-илỹ, вĕренỹ, сывлăха сыхлас, транспорт, строительство сферисенче тата сиенлĕ факторсемпе ĕçлекен ытти отрасльти ĕçченсене пырса тивет. Тĕрĕслев витĕр тухсан ĕçлекенĕн кăтартăвĕсене сывлăх паспортне çырĕç. Çак документ çыннăн сывлăхĕ япăхланнине малтанхи тапхăртах тупса палăртма пулăшĕ.