29 февраля 2012 г.
Çамрăксене патриотла воспитани парас, çĕр-шыва юратма хăнăхтарас тĕллевпе чылай шкул тăрăшса ĕçлет. Таяпа Энтри ялĕнчи шкулта 1-9-мĕш классенче вĕренекенсен хушшинче салтак юррисен конкурсĕ иртнĕ. Тĕрлĕ класра вĕренекенсем шăрантарнă "Смуглянка", "Три танкиста", "Дан приказ", "Катюша", "На поле танки грохотали" тата ытти чылай юрă, инсценировкăсем куракансен чĕрине тыткăнланă анчах мар, вĕсенче мăнаçлăх туйăмĕ çуратнă. 1- 4-мĕш классем шăрантарнă "Солдатушки" юрă уйрăмах килĕшнĕ уява пуçтарăннисене. Вĕсем пĕрремĕш вырăн йышăннине палăртнă жюри членĕсем. 2-мĕш вырăна 6-мĕш тата 8-мĕш, 3-мĕш вырăна 7-мĕш классем йышăннă. Илья Васильев (8-мĕш класс) уйрăм юрăпа, унпа пĕр класра вĕренекенсем "Инсценировка" номинацинче çĕнтернĕ.