Публикации » Улшăнусемпе паллаштарнă

22 февраля 2012 г.

Пурăнмалли çурт-йĕр ыйтăвĕ паянхи кун çивĕччисен шутĕнче. Çакна шута илсе Елчĕкри тĕп вулавăшра "Раççей юрисчĕсен пĕрлĕхĕ" центрăн пуçарăвĕпе йĕркеленĕ консультаци пунктĕнче "Коммуналлă пулăшупа тивĕçтермелли çĕнĕ йĕркесем" темăпа тĕл пулу иртнĕ. Çавна май калаçу коммуналлă пулăшури çĕнĕ йĕркесем, çак сферăри çитменлĕхсемпе татса памалли ыйтусем тавра пынă. Граждансене кăсăклантаракан тĕрлĕ ыйтусене Елчĕк район прокурорĕн çумĕ Павел Кокарев, "Стройэнергосервис", "Спутник-1" ООО ертỹçисем А.Нягинпа В.Чернов, Елчĕк район администрацийĕн капиталлă строительство, пурăнмалли çурт-йĕрпе коммуналлă хуçалăх пайĕн начальникĕ Н.Петров, Елчĕк ял тăрăхĕн пуçлăхĕн çумĕ Ю.Блинов тата кил-çурт хуçисен юлташлăхĕсен активисчĕсем хуравланă. Пурăнмалли çурт-йĕр тытăмĕнчи улшăнусемпе паллаштарас тĕллевпе çак кун вулавăшра курав та ĕçленĕ.