Публикации » Виçĕ енлĕ ăмăрту

22 февраля 2012 г.

Шăмат кунпа вырсарни кун Шупашкар хулинче полиатлон енĕпе Чăваш Республикин чемпионачĕ иртнĕ. Унта 3 енлĕ ăмăрту кĕрет: пăшалтан пересси, турник çинче туртăнасси (арçын ачасем) е алă вăйĕпе урайĕнчен тĕртĕнесси (хĕр ачасем), йĕлтĕрпе чупасси. Район командишĕн, тĕпрен илсен, Кĕçĕн Таяпари шкулта вĕренекенсем тупăшнă. 12-13 çулсенчи хĕр ачасенчен Т.Смирнова виççĕмĕш вырăна тухнă. 14-15 çулсенчи хĕр ачасенчен Т.Семенова çĕнтерỹçĕне 1 очко кăна выляса ярса иккĕмĕш, Ю.Козлова тăваттăмĕш вырăнсене йышăннă. Çак ỹсĕмри арçын ачасенчен В.Головинпа С.Морозов командăна паха очкосем кỹнĕ. 16-17 çулсенчи каччăсенчен В.Иванова призерсен йышне кĕме 3 очко анчах çитеймен. С.Константинов (Курнавăш) та ăнăçлă ăмăртнă. Арçынсенчен А.Васильев (Елчĕк) палăрнă. 50 çултан аслăрах ветерансенчен М.Скворцов (Кĕçĕн Таяпа) виççĕмĕш вырăнта.