Публикации » Шыв пахалăхне тĕрĕсленĕ

18 февраля 2012 г.

Ĕçмелли тата йăлара усă куракан шыв пахалăхĕпе хăрушсăрлăхĕ çинчен пĕлсе тăрасси _ кулленхи кирлĕ ыйту. Çавна май иртнĕ çул пăрăх тăрăх пыракан шывăн санитарипе хими кăтартăвĕсене палăртас шутпа 39 проба тунă. Çак хисепрен 13 проби (33,3 проценчĕ) пĕтĕмĕшле хытăлăхĕпе, нитратсен хисепĕпе гигиена нормативĕсене тивĕçтермен. Микробиологи кăтартăвĕсене палăртас шутпа тунă 137 пробăран пĕри анчах (Патреккелти шкулта) гигиена нормативĕпе килĕшсе тăман. "Кушкă", "Марс", "Свобода", "Труд" ял хуçалăх предприятийĕсем артезиан скважинисенчен илекен шыв пахалăхĕ гигиена требованийĕсене тивĕçтермен. Микробиологи кăтартăвĕсем (пурĕ 24 проба тунă) нормативпа килĕшсе тăнине палăртнă.