Публикации » "Ылтăн шайба" кубокĕ _ Елчĕксенче

11 февраля 2012 г.

 "Ылтăн шайба" кубокĕшĕн пыракан республикăри ăмăртăвăн финалĕнче Елчĕкри хоккеистсем çĕнтернĕ. 1997-1998 çулсенче çуралнă çамрăк хоккеистсем ăмăртăвăн финалне тухассишĕн 2 уйăх кĕрешнĕ. Республикăри финалта Патăрьел, Муркаш, Елчĕк районĕсен, Шупашкарти "Спартак" командисем тĕл пулнă. Елчĕксем Патăрьелсене 4:3 шутпа çĕнтерсе куçса çỹрекен кубока илнĕ. Патăрьелсем _ иккĕмĕш, Муркашсем виççĕмĕш вырăнсене йышăннă. Çĕнтерỹçĕсене медальсемпе, дипломсемпе чысланă. Елчĕксем Пĕтĕм Раççейри финала хутшăнаççĕ. Вăл нарăс уйăхĕн 18-27-мĕшĕнче Мускав облаçĕнчи Можайск хулинче иртет.