Публикации » Йышăнăва - электрон регистрацийĕ урлă

08 февраля 2012 г.

Юлашки вăхăтра Раççейри сыватупа профилактика учрежденийĕсенче мĕнле сипленипе интересленсе чирлисенчен ыйтса пĕлеççĕ. Çакă стационарта тата поликлиникăра пулăшу паракансен ĕçне хаклама май парать. Çакăн пек ыйтăм районти сывату учрежденийĕсенче те ирттернĕ. Терапи тата хирурги уйрăмĕсенче выртакан 39 çынран ыйтса пĕлнĕ. Вĕсенчен 78 проценчĕ лайăх сипленине, чирлисен 98 проценчĕ уйрăмсенчи сыватупа диагностика ĕçĕсене вăтам хак панă. Ыйтса пĕлекенсем пурте электрон регистрацийĕпе усă курма пĕлнине çирĕплетнĕ. Анкетăра сĕнỹсене те шута илнĕ. Пациентсем Елчĕкри тĕп больницăри поликлиникăна юсамаллине палăртнă.