Публикации » Ăçта вĕренме каймалла?

08 февраля 2012 г.

 Хальхи вăхăт выпускниксемшĕн чи хĕрỹ тапхăр. Çак уйăх вĕçлениччен вĕсен хăш предметсемпе патшалăхăн пĕрлехи экзаменĕсене тытассине палăртмалла. Çавăнпа та Шупашкарти кооператив институчĕн представителĕсемпе тĕл пулу иртни вĕсемшĕн пит вырăнлă пулнă. Курнавăш тата Çĕнĕ Пăва шкулĕсенчи выпускниксене институтăн йышăну комиссийĕн председателĕ Н.Толстов вĕренме кĕмелли йĕркесемпе тĕплĕн паллаштарнă. Экономика наукисен кандидачĕ А.Гаврилов кооператив институтĕнчен вĕренсе тухакансем ĕç шыраса хăшкăлса çỹременнине палăртнă. Институт çинчен кăтартнă электронлă презентаци, видеороликсем шкултан вĕренсе тухакансене пит кăсăклантарнă. Вун пĕрмĕшсен ыйтăвĕсем çине преподавательсем тĕплĕн хуравланă, вĕсене институт ирттерекен уçă алăксен кунне чĕннĕ.