Публикации » Конкурса хутшăнăр

08 февраля 2012 г.

Раççей Ял хуçалăх министерстви кăçалтан "Ĕç пуçлакан фермер" тата "Çемьесен выльăх фермисене аталантарасси" программăсене пурнăçа кĕртме палăртнă. Вĕсем сĕт ытларах туса илме май парĕç. Ферма çĕклеме тĕллев тытнă çынна выльăх вити хăпартнăран пулакан тăкакăн 30-шар процентне федераци тата республика бюджечĕсенчен уйăракан укçаран саплаштарĕç. Кăрлачăн 24-мĕшĕ тĕлне "Ĕç пуçлакан фермер" программăпа килĕшỹллĕн патшалăхран тавăрса памалла мар субсиди илессишĕн 30 çын ытла конкурса хутшăнасси çинчен пĕлтернĕ. Вĕсен йышĕ ỹссех пырать. Федераци программисене çирĕплетсен тата министерство норматив-право докуменчĕсене хатĕрлесе çитерсен ферма йĕркелеме шухăшлакан çемьесене палăртăпăр. "Россельхозбанк" ферма проекчĕсемпе усă курма сĕнет, вăл е ку фермер кредит илнĕ чухне Чăваш Ен аталанăвĕн корпорацийĕ Банк умĕнче салукçă пулма килĕшет. Светлана