Публикации » Вĕренỹ

28 января 2012 г.

Çĕнĕ Пăвари пĕтĕмĕшле пĕлỹ паракан вăтам шкулта вырăс чĕлхипе литературине вĕрентет Любовь Александровна Горшкова. Çак шкулта 2001 çултанпа тăрăшать. Малтанах тĕрлĕ шкулсенчи ачасене вĕрентнĕ. Пултаруллă учителĕн ĕç стажĕ 27 çул ытла. Вуннăмĕшсен класс ертỹçи хăйĕн ачисемпе савăнать: вĕсем вĕренỹре те хастар, шкул тулашĕнчи ĕçсенче те тăрăшуллă. Ташлас ăсталăхĕ те пысăк вуннăмĕшсен. Районти "Грация" фестивальте вĕсем пĕрре мар çĕнтерỹçĕсем пулса тăнă. Любовь Александровна пиллĕкмĕш класран ертсе пырать вĕсене. Çавăнпа та кашни вĕренекене лайăх пĕлет, кашнийĕнпе пĕр чĕлхе тупнă. Класс руководителĕ те, ачасем те тĕрлĕ конкурссене хутшăнаççĕ, призлă вырăнсене çĕнсе илеççĕ. Сăн ỹкерчĕкре: урокра.