28 января 2012 г.
Аттелĕхĕн Аслă вăрçин ветеранĕсемпе инваличĕсен, тыл ĕçченĕсен, тăлăх арăмсен шучĕ, шел пулин те, кунран кун, çултан çул чаксах пырать. Сывлăхĕсем те хавшасах пыраççĕ ватăсен. Вĕсен сывлăхне тĕрĕслес, ĕмĕрне тăсас тĕллевпе районти тĕп больницăра асăннă категорисене кĕрекен граждансене диспансеризаци тĕрĕслевĕ витĕр кăларас ĕçе пуçăнĕç. Çак тĕрĕслев витĕр 1533 çынна, çав шутран Аттелĕхĕн Аслă вăрçин 16 инвалидне тата 40 участникне, 169 тăлăх арăма, 1308 тыл ĕçченне кăларма палăртнă. Вырăнпа выртакансем патне специалистсем кăрлач-ака уйăхĕсенче хăйсем çỹрĕç.