Публикации » Йăлана кĕнĕ уйăхлăх

25 января 2012 г.

Кашни çулах кăрлач уйă-хĕн 23-мĕшĕнчен пуçласа нарăс уйăхĕн 23-мĕшĕччен районти вĕренỹ учрежденийĕсем хушшинче оборонăпа массăллă тата спорт ĕçĕсен уйăхлăхĕ иртет. Уйăх тăршшĕнче шкул ачисене сывă пурнăç йĕркине хăнăхтарас, Раççей историне манăçа кăларас мар тĕллевпе паттăрлăх урокĕсем, тĕрлĕ спорт уявĕсемпе конкурссем, Аттелĕхĕн Аслă вăрçин тата тыл ветеранĕсемпе, запасра тăракан çар çыннисемпе тĕл пулусем йĕркелеççĕ. Кăçал Раççей историйĕн çулталăкĕ пулнине шута илсе мĕн пур мероприятие çак çулталăка халаллаççĕ. Уйăхлăха Çĕр-шыв хỹтĕлев-çисен кунĕнче пĕтĕмлетеççĕ.