25 января 2012 г.
Çынна ĕçе илнĕ чухне килĕшỹ тумалла. Унта мĕнле должноçа çирĕплетни, ĕç укçине палăртнă вăхăтра тỹлесси, кун йĕрки, ĕç сыхлавĕ пирки тата организацире çирĕплетнĕ ытти мероприяти пулмалла. Ĕç килĕшĕвĕн пĕр экземплярне алă пусса алла илмелле. Унсăр пуçне хăш-пĕр организацире е предприятире срокне палăртнă ĕç килĕшĕвне йĕркелеме тăрăшаççĕ. Çакă саккунсене пăсни, мĕншĕн тесен ĕçпе тивĕçтерекен килĕшỹ срокĕ çитсен работнике ĕçрен хăтарать. Ĕç килĕшĕвне пĕр-пĕр ĕçе пурнăçлама, пулăшу пама ирĕк паракан килĕшỹпе те улăштарма тăрăшаççĕ. Кунта ĕçе пурнăçланă чухне инкек тухас пулсан, работниксем РФ Ĕçлев кодексĕнче палăртнă çăмăллăхсемпе тата компенсацисемпе усă курма пултараймаççĕ. Вĕсене илес тесен, ĕçе пурнăçлаканăн ирĕксĕрех суда кайма тивет. Çавăнпа ĕçе кĕнĕ, вырнаçнă чухне çак енсене тĕплĕн шухăшласа ĕç килĕшĕвне çырмалла.