Публикации » Вăхăтра юсанă, йĕркене кĕртнĕ

18 января 2012 г.

Ĕçекен шыв пахалăхĕ мĕнле пуласси артезиан скважинисене тата кил-çуртсене пыракан шыв пăрăхĕсене мĕнле пăхса тăнинчен нумай килет. Çакăншăн яваплă "Спутник-1" ООО коллективĕ хăйне шанса панă тивĕçе туллин ĕçе кĕртме тăрăшать. "Спутник-1" ООО район центрĕнчи пилĕк шыв башнине пăхса тăрать. Хĕле кĕрес умĕн Ырсамай тăрăхĕнчи артезиан скважинине тĕплĕн юсанă, сивĕ хĕл кунĕсенче шăнса ларасран асăрханса ăна ăшă тытмалла туса хатĕрленĕ. Унсăр пуçне, тăватă скважинăра насуссем улăштарнă. Çынсене тĕрлĕ пулăшу ĕçĕсемпе тивĕçтерекен предприятин малтан палăртман, куллен пурнăçламалли ĕçсем те сахал мар. Юлашки вăхăтра çакăн пек тĕслĕхсемпе те час-часах тĕл пулма тивет: çĕр айĕнчи кивелсе юрăхсăра тухнă пăрăхсенчи шыв ăçтан юхтарнине тупса палăртиччен сахал мар вăхăт иртет.