Публикации » Чун хавалĕ - çитĕнỹ çăл куçĕ

18 января 2012 г.

"Победа" ял хуçалăх предприятийĕнче иртнĕ çул кашни ĕнерен 7077 килограмм сĕт сунă. Районĕпе çакă чи пысăк кăтарту. Çитĕнỹ çăл куçĕ мĕнре? Чи малтан, сăвăнакан ĕнесен кĕтĕвне пысăк продуктивлă ăратлă ĕнесенчен йĕркеленĕ, вĕсене çулталăк тăршшĕпех пахалăхлă апатпа туллин тăрантараççĕ. Унсăр пуçне, ĕнесене хĕлĕн-çăвĕн виçĕ хутчен суни те продукци туса илесси çине пысăк витĕм кỹрет. Кашни кунхи ỹсĕм-çитĕнỹ дояркăсене тата тăрăшса ĕçлеме хистет. "Победа" сахал яваплă юлташлăхра темиçе çул ĕнтĕ ĕнесене ятарлă залра сăваççĕ. Çавна май ĕç условийĕсем нумай ансатланнă, ĕç тухăçлăхĕ, юлашкинчен пулакан кăтартусем те пысăк. Хальхи вăхăтра фермăри 170 ĕнене икĕ доярка анчах сăвать. Анна Константиновапа Елена Портнова ĕç кăтартăвĕсене кура тивĕçлĕ ĕç укçи алла илеççĕ. Сăн ỹкерчĕкре: Анна Константинова аслă доярка.