14 января 2012 г.
Чăваш Республикин ĕç рынокĕнче лару-тăрăва лайăхлатас тĕлĕшпе республикăри "Вĕренỹ учрежденийĕсене пĕтернисен ĕç опытне илессинче стажировка йĕркелесси" тĕллевлĕ программа ĕçлет. Районти халăха ĕçпе тивĕçтерекен центр "Стройэнергосервис", "Право консультацийĕ", "Гланал" ОООсемпе, "Елчĕкри сыр пĕçерекен завод" АУОпа, "Прогресс" АХОпа, Д.В.Сидоров уйрăм предпринимательпе, "Комбайн" ЯХПКпа 325,4 пин тенкĕлĕх 11 килĕшỹ тунă. Стажировкăра пурĕ 17 выпускник пулнă, вĕсенчен 3-шĕ профессин вăтам, 14-шĕ аслă вĕренỹ заведенийĕсене пĕтернĕ. Выпускниксенчен 10-шĕ яланлăха ĕçе вырнаçнă, вĕсенчен 2-шĕ стажировкăра пулнă предприятисенче ĕç вырăнĕ тупнă.