28 декабря 2011 г.
Елчĕк район прокуратури район территорийĕнче çут çанталăк сыхлавĕн саккунĕсене мĕнле пăхăннине тĕрĕсленĕ. Тĕрĕслев 8 организаципе предприяти ертỹçи федерацин "Çут çанталăка сыхласси çинчен" саккунĕнче палăртнă йĕркесене пăхăнманнине, çавна май 2011 çулхи 2 тата 3 кварталсенче çут çанталăкпа усă курнăшăн тата ăна вараланăшăн тỹлеменнине тупса палăртнă. Тĕрĕслев кăтартăвĕсемпе килĕшỹллĕн, çут çанталăка сыхлас йĕркене пăхăнманшăн "Аранчеево" ООО, "Свобода" ЯХПК, "Улăп" физкультурăпа сывату комплексĕн, "Елчĕкри сыр тăвакан завод" ОАО, Елчĕкри тĕп больница ертỹçисен тĕлĕшĕпе РФ КоАП 8.41 статйин 1 пайĕпе административлă ĕç пуçарнă. Çавăн пекех предприятисемпе организацисен 8 ертỹçине асăрхаттарнă, 7-шне дисциплина тĕлĕшĕнчен явап тыттарнă.