24 декабря 2011 г.
Иртнĕ вырсарни кун Елчĕкре хĕллехи спорт сезонĕ уçăлнă. Ăмăрту эстафета евĕр иртнĕ. Пĕтĕмĕшле пĕлỹ паракан тĕп шкулсен 14 командинчен Кĕçĕн Таяпасем, Шăмалаксем, Энтепесем малтисен йышне кĕнĕ. Пĕтĕмĕшле пĕлỹ паракан вăтам шкулсенчен Аслă Елчĕксен пĕрремĕш командине, Елчĕксене, Аслă Елчĕксен иккĕмĕш командине çитекенсем пулман. Ял тăрăхĕсемшĕн Чăваш Тăрăмри тĕп, Лаш Таяпари вăтам, Хăвăлçырмари тĕп шкулсенчи вĕрентекенсем йĕлтĕрпе чупнă. Аслă Таяпа, Лаш Таяпа, Çирĕклĕ Шăхаль ял тăрăхĕсем малтисен ретĕнче пулнă.