Публикации » Турнирта _ вăйлисем

24 декабря 2011 г.

Раççей Геройĕн Н.Гаврилов генерал-лейтенантăн призĕсене çĕнсе илессишĕн Пĕтĕм Раççейри турнирта ирĕклĕ майпа кĕрешекенсем кавир çине тухнă. Вăл иртнĕ эрне кунпа вырсарни кунччен Шупашкарти И.Н.Ульянов ячĕллĕ Чăваш патшалăх университечĕн спорт клубĕнче иртнĕ. Вăйлă атлетсем хушшинче Елчĕксем те айккинче юлман. 46 килограмлă спортсменсенчен Родион Чернов, 100 килограмлисенчен Александр Печков виççĕмĕш вырăнсене йышăнса цифрăллă фотоаппаратсем çĕнсе илнĕ. Вĕсен юлташĕ Александр Мольков 54 килограмлă атлетсенчен тăваттăмĕш вырăн йышăннă. Вĕсем пурте Аслă Елчĕкрен. Спортсменсене ăмăртăва Георгий Адюков тренер хатĕрленĕ.