21 декабря 2011 г.
Ырă мар пулăмсем пурнăçра тĕл пулаççех. Çавăнпа тимлĕх кирлĕ. Республикăри ĕç инспекцийĕ сыхланулăх пирки асăрхаттарать. Чи малтанах, ĕç килĕшĕвне сăмахпа мар, çырса тумалла. Вăл икĕ экземпляр пулмалла: пĕри ĕç параканăн, тепри ĕçлекенĕн аллинче юлмалла. Ĕç параканăн аллинче юлакан ĕç килĕшĕвне ĕçлекен алă пусса çирĕплетмелле. Документра ĕç вырăнне çирĕплетни, ĕç тỹлевĕн условийĕсем, кану кунĕсем, отпуска каймалли вăхăт, социаллă страховани тата ытти условисем вырăн йышăнмалла. Ĕç паракан приказа е хушăва ĕçлекен патне виçĕ кун хушшинче çитермелле. Ĕç килĕшĕвне нумай вăхăтлăха тумалла.