Публикации » Тĕллеве пурнăçлаççĕ

21 декабря 2011 г.

"Атăл çинчи МРСК" - "Чăваш-Энерго" филиалĕн Юрий Хушкин ертсе пыракан Елчĕк районĕнчи электричество сечĕн (РЭС) 35 çынна пĕрлештерсе тăракан коллективĕнчи энергетиксем кăçалхи тĕллеве туллин пурнăçлаççĕ. Елчĕкри РЭС ĕçченĕсем кăçал Елчĕкрен пуçласа Çĕнĕ Эйпеç ялне çити (пурĕ 17 çухрăма яхăн) пысăк вольтлă линие тĕпрен юсанă. Хальхи вăхăтра район центрĕнчи Беляев тата Совет урамĕсенче (1,5 çухрăм) унчченхи кивĕ электричество пăралукĕсене пĕтĕмпех изоляциленĕ пăралуксемпе улăштараççĕ, çак кунсенчех çак ĕçе вĕçлеме палăртнă. Коллективра ят-сума тивĕçлĕ, нумай çул çак яваплă ĕçре тăрăшакансем те сахаллăн мар. Вĕсенчен пĕри - РЭС диспетчерĕ Станислав Свеклов. Вăл кунта пĕр улшăнмасăр 25 çул ĕçлет.