21 декабря 2011 г.
Çул-йĕр çинче тимлĕ те асăрхануллă пулмалли пирки час-часах çыратпăр, калаçатпăр пулсан та, йĕркене пăхăнманнисем тупăнсах тăраççĕ. Водительсем те, çуран çỹрекенсем те çул-йĕрĕн ансат правилисене пăхăнманран кăçал районти çул-йĕрсем çинче 15 инкек пулнă, вĕсенче 1 çын вилнĕ, 20 çын аманнă (иртнĕ çул çак тапхăрта 12 ДТП регистрациленĕ, аварисен вăхăтĕнче 1 çын пурнăçран уйрăлнă, 16-шĕ аманнă). Паянхи кун çул-йĕр пăрлак пулнине шута илсе водительсемпе çуран çỹрекенсене уйрăмах тимлĕ пулма, пĕрне-пĕри хисеплеме ыйтас килет. Алăра руль анчах мар, çын пурнăçĕ те пулнине тата пĕр тĕрĕс мар утăма пула инкек-синкек сиксе тухма пултарнине асрах тытасчĕ.