10 декабря 2011 г.
Кăçалхи хĕл епле пуласси çинчен тĕрлĕрен калаççĕ. Пĕрисем юр сахал çăвать, сивĕ пулать, теççĕ, теприсем вăтам çанталăк пуласса шантараççĕ. Апла та, капла та ял çыннин çитес çуллахи кунсем çинчен шутлама тивет. Иртнĕ çулхи шăрăх кунсенче пусăсем типсе ларни, ял çыннисем шывсăр аптăрани асрах-ха. Кăçалхи çанталăка çумăрсăр тăчĕ теме çук, апла пулин те вăл унчченхи шая çитеймерĕ. Тăпрара нỹрĕке сыхласа хăварас тесен хĕлле хирсенче юр тытассине йĕркелемелле, çырма-çатрасене пĕвелесе шыв тытса хăварни те пĕлтерĕшлĕ. Шыв пахалăхĕ мĕнле пуласси те шухăшлаттарать. Çакăншăн хамăрăн та, ялсенче пурăнакансен, тăрăшасчĕ. Хĕл кунĕсенче çырма-çатрана таса мар япаласем, тĕрлĕ ăпăр-тапăр пăрахас марччĕ. Вилнĕ выльăхсене те ятарлă вырăна пытарасчĕ.