10 декабря 2011 г.
Елчĕк районĕнчи ваккăн суту-илỹ тăвакан предприятисенче сутăнакан социаллă пĕлтерĕшлĕ апат-çимĕç таварĕсен хакĕсен мониторингне йĕркелени куллен кирлĕ таварсен хакĕсемпе паллашсах тăма май парать. Раштав уйăхĕн 8-мĕшĕнче ирттернĕ мониторинг çак апат-çимĕç хакĕсем иртнĕ эрнери шайрах тăнине кăтартса панă: услам çу (кг, Вăрнарăн) - 233 тенкĕ, сĕт - 32 тенкĕ те 50 пус, ыраш тата ырашпа тулăран пĕçернĕ çăкăр (кг) - 17 тенкĕ те 86 пус, тулă çăнăхĕнчен хатĕрленĕ çăкăр-булка (кг) - 30 тенкĕ. Хура тул кĕрпин хакĕ 6,8 процент, вир кĕрпи 5,9 процент, чăх какайĕ 1,3 процент, сахăр 1,0 процент, тăвар - 0,9 процент, рис 0,9 процент чакни паллă. Çав вăхăтрах тулă çăнăхĕн, шăнтнă пуллăн, тип çăвăн, пан улмин, чăх çăмартин, вермишелĕн хакĕсем кăштах хăпарни паллă.