Публикации » Ярмăрккăсем малашне те ĕçлĕç

07 декабря 2011 г.

Район администрацийĕн пуçлăхĕн тивĕçĕсене вăхăтлăха пурнăçлакан Л.Левый ятарлă йышăну кăларнă. Унпа килĕшỹллĕн, 2012 çулта район территорийĕнче ярмăрккăсем ирттермелли вырăнсене палăртнă. Вĕсем 3 вырăнта иртмелле. Кашни ытлари кун тата шăмат кун 7 сехетрен пуçласа 15 сехетчен Елчĕкри Привокзальная урамĕнчи "Елчĕкри рынок" муниципаллă унитарлă предприяти сутуçăсемпе тавар туянакансене йышăнĕ. Çавăн пекех Çирĕклĕ Шăхаль ял администрацийĕ кашни эрне кун 6 сехетрен пуçласа 12 сехетчен Аслă Çĕнтерĕве 40 çул урамри 19-мĕш çуртра, Курнавăшри М.А.Алексеева уйрăм предприниматель Тĕп урамра кашни юн кун 6 сехетрен пуçласа 12 сехетчен ярмăрккăсем йĕркелеççĕ.