30 ноября 2011 г.
Чăваш Республикин нумай хут чемпионне, рекордсменне, СССР спорт мастерне И.П.Портнова асăнса Аслă Пăла Тимешре штангистсен районти уçă чемпионачĕ иртнĕ. Ăмăртăва Шупашкарти, Вăрнар, Патăрьел, Елчĕк районĕсенчи 48 атлет хутшăннă. Елчĕк районĕнчи йывăр атлетсем ăнăçлă ăмăртнă. Хĕр ачасемпе хĕрсем хушшинче Курнавăш ял тăрăхĕнчи Е.Ертмакова (36 кг виçери), "Юман" спортклубри М.Портнова (48 кг), Курнавăш ял тăрăхĕнчи В.Ананьева (53 кг) пĕрремĕш вырăнсене йышăннă. Арçын ачасемпе яшсем те ятне яман. Курнавăш ял тăрăхĕнчи А.Паршуков (32 кг) - иккĕмĕш, П.Герасимов (38 кг) - виççĕмĕш, В.Новиковпа Д.Зайцев (46 кг), Н.Конюковпа В.Павлов (50 кг) - пĕрремĕшпе иккĕмĕш, "Юман" спортклубри А.Иноходовпа Курнавăш ял тăрăхĕнчи С.Грибов (56 кг) - пĕрремĕшпе виççĕмĕш, "Юман" спортклубри А.Зайцевпа А.Никитин, Курнавăш ял тăрăхĕнчи Д.Николаев (62 кг) пĕрремĕш, иккĕмĕш, виççĕмĕш, "Юман" спортклубри П.Ягудин, Елчĕк ял тăрăхĕнчи А.Александров (69 кг) - пĕрремĕшпе виççĕмĕш, "Юман" спортклубри П.Портнов (77 кг) - пĕрремĕш вырăнсенче. Командăсенчен "Юман" спортклуб - пĕрремĕш, Курнавăш ял тăрăхĕ - иккĕмĕш, Елчĕк ял тăрăхĕ виççĕмĕш вырăнсене йышăнчĕç. Синклер мелĕпе шутласан вăйлă 8 атлета палăртрĕç - вĕсем грамотăсемпе призсене тивĕçрĕç. Чи вăйлă атлет П.Портнов чемпионатăн тĕп парнине - тĕрлĕ тĕслĕ телевизор çĕнсе илчĕ.