26 ноября 2011 г.
Юн парасси - хисеплĕ те сăваплă ĕç. Хамăр юна парса йывăр чирлĕ çынсене çăлса хăварни питĕ пархатарлă. Çак эрнере Аслă Пăла Тимешри пĕтĕмĕшле практика врачĕн уйрăмне Канашри юн илекен станци ĕçченĕсем çитнĕ. Аслă Пăла Тимеш ял тăрăхĕнче пурăнакансем кăна мар, Шăмалаксем те ырă ĕçрен пăрăнса юлас темен. 62 çын юн панă çак кун. Н.Викторова 50-мĕш, О.Лепешкина 45-мĕш, В.Портнова 35-мĕш хут юн панă. Уйрăмра ĕçлекен врачсемпе медсестрасем те кашнийĕнчех ырă ĕçе кăмăллăн хутшăнаççĕ. Уйрăмах Н.Сунгатуллина, А.Емельянова, Е.Хушкина, Н.Чайкина, С.Чермаков, З.Сунгатуллин сăваплă ĕçрен пăрăнмаççĕ. Донорсем хăйсен юнĕ чирлисемшĕн усă пуласса шанаççĕ.