19 ноября 2011 г.
Манăн мăшăрăм айăплав срокне республикăри пĕтĕмĕшле режимлă колонире ирттерет. Нумаях пулмасть вăл телефонпа юсану учрежденийĕн администрацийĕ çăхав çырма ирĕк паманнине пĕлтерчĕ. Çакна вăл ниепле те çирĕплетме пултараймасть. Ку лару-тăрура мĕн тумалла?
Л.НИКОЛАЕВА.
Ыйту çине Чăваш Республикинчи юсану учрежденийĕсенче саккуна мĕнле пăхăннине тĕрĕслекен А.Зотов прокурор хуравлать: _ РФ УИК 15 статйинче палăртнă требованисемпе килĕшỹллĕн, ирĕк прависĕр юлнă айăпçăн юсану учрежденийĕн администрацийĕ урлă учрежденире тĕл пулакан çитменлĕхсене палăртса çỹлерех тăракан органсене (айăплава пурнăçлакан учрежденисен ĕçĕ-хĕлне тĕрĕслекен çỹлерех органсене, суда, вырăнти хăй тытăмлăх органĕсене, патшалăх влаç органĕсене, общество пĕрлешĕвĕсене, çын прависемпе ирĕкĕсене хỹтĕлекен патшалăхсен хушшинчи органсене) сĕнỹпе тухма, заявлени е çăхав тăратма ирĕк пур. Сирĕн мăшăрăра Чăваш Республикинчи юсану учрежденийĕсенче саккуна мĕнле пăхăннине тĕрĕслекен Шупашкар прокуратурин "хĕрỹ линийĕн" 62-56-80 номерĕпе çыхăнма сĕнетпĕр.