19 ноября 2011 г.
Чăваш Республикин патшалăх ĕç инспекцийĕ производствăри лару-тăрăва тишкернĕ. Иртнĕ çулхипе танлаштарсан, производствăри тивĕçе пурнăçланă чухне вилнисен йышĕ пĕрре виççĕмĕш пайĕ чухлĕ чакнă, анчах йывăр аманнисен 8,5 процент ỹснĕ. Инкексен тĕп сăлтавĕсем тĕрлĕрен: производствăра ĕçленĕ чухне йĕркене пăсни (инкексен 14 проценчĕ), ĕç вăхăтĕнче ỹсĕр пулни (13 процент), çул çỹревĕн йĕркисене пăхăнманни (12 процент), ĕçлекен ĕç кунĕпе йĕркисене, дисциплинăна пăсни (9 процент). Ĕçленĕ чухне çỹлтен ỹкни (30 процент), машинăсен çаврăнакан, куçакан пайĕсенчен сыхланманни (30 процент), транспортпа ĕçленĕ чухне пулакан инкексем (15 процент) кашнинех хумхантарать, асăрханма кирлине пĕлтерет.